ടെസ്റ്റ് റാങ്കിംഗില്‍ ഇംഗ്ലണ്ട് രണ്ടാം സ്ഥാനത്ത്
ചൊവ്വ, 27 ഓഗസ്റ്റ് 2013 (12:03 IST)
PRO
PRO
രാജ്യാന്തര ക്രിക്കറ്റ്‌ കൗണ്‍സിലിന്റെ ടെസ്റ്റ് റാങ്കിംഗില്‍ ഇംഗ്ലണ്ട് രണ്ടാം സ്ഥാനതെത്തി. ഇന്ത്യയെ പിന്തള്ളിയാണ് ഇംഗ്ലണ്ട് രണ്ടാം സ്ഥാനം നേടിയത്. ഒന്നാം സ്ഥാനത്ത് ദക്ഷിണാഫ്രിക്കയാണുള്ളത്.
ആഷസ് പരമ്പര തുടങ്ങും മുന്‍പ്‌ 112 പോയിന്റായിരുന്നു ഇംഗ്ലണ്ടിന്‌. ആഷസ്‌പരമ്പരയില്‍ അവസാന ടെസ്റ്റ് സമനിലയില്‍ കലാശിച്ചതോടെ ഇംഗ്ലണ്ടിന്‌ 116 പോയിന്റായി. ഇന്ത്യയ്ക്കും ഇതേ പോയിന്റ് തന്നെയാണ്.
ദശാംശം കൂടി കണക്കാക്കിയാല്‍ നേരിയ മുന്‍തൂക്കം ഇംഗ്ലണ്ടിനായതുകൊണ്ടാണ് രണ്ടാം സ്ഥാനം ഇന്ത്യയ്ക്ക് നഷ്ടമായത്. പാക്കിസ്ഥാനാണ് നാലാം സ്ഥാനത്ത്.
ആഷസ് പരമ്പരയിലെ ദയനീയ പ്രകടനം ഓസ്ട്രേലിയയെ ടെസ്റ്റ് റാങ്കിംഗില്‍ അഞ്ചാം സ്ഥാനത്താണ് എത്തിച്ചത്.
