ഡല്‍ഹിയില്‍ കൊവിഡ് വാക്സിനേഷന്‍ സമയം രാത്രി ഒന്‍പതുമണിവരെയാക്കുമെന്ന് മുഖ്യമന്ത്രി അരവിന്ദ് കെജരിവാള്‍ പറഞ്ഞു. നിലവില്‍ രാവിലെ ഒന്‍പതുമണിമുതല്‍ വൈകുന്നേരം അഞ്ചുമണിവരെയാണ് വാക്സിനേഷന്‍ സമയം. വാക്സിനേഷന്റെ എണ്ണം കൂട്ടുന്നതിനുവേണ്ടിയാണ് സമയം ദീര്‍ഘിപ്പിക്കുന്നത്. നിലവില്‍ 30000-40000 വരെയാണ് ദിവസവും വാക്സിനേഷന്‍ എടുക്കുന്നവരുടെ എണ്ണം. ഇത് വര്‍ധിപ്പിച്ച് ദിവസേന 1.25 ലക്ഷം പേര്‍ക്ക് വാക്സിന് നല്‍കാനാണ് ഉദ്ദേശിക്കുന്നതെന്ന് അദ്ദേഹം പറഞ്ഞു.
