കൊവിഡ് പ്രതിരോധ നടപടികളുടെ പേരിൽ ആവി പിടിക്കണമെന്ന രീതിയിൽ ഒട്ടേറെ സമൂഹമാധ്യമങ്ങളിൽ വ്യാപകമായ പ്രചാരണമുണ്ടായിരുന്നു. ഇതിനെ തുടർന്ന് തമിഴ്‌നാട്ടിൽ പലയിടത്തും പൊതിയിടങ്ങളിൽ ആവി പിടിക്കാനുള്ള സംവിധാനം ഒരുക്കിയിരുന്നു. ഈ പശ്ചാത്തലത്തിലാണ് ആരോഗ്യമന്ത്രിയുടെ മുന്നറിയിപ്പ്. ഡോക്‌ടറുടെ ഉപദേശമില്ലാതെ ഇത്തരം കാര്യങ്ങൾ ചെയ്യുന്നത് ശ്വാസകോശത്തെ ദോഷകരമായി ബാധിക്കും. കൊവിഡ് ബാധിക്കുന്നവർ സ്വയം ചികിത്സയിലേക്ക് നീങ്ങുന്നത് അപകടം വിളിച്ചുവരുത്തുമെന്നും മന്ത്രി പറഞ്ഞു.
