കൊറോണ വൈറസ് രൂപാന്തരപ്പെട്ടു കൊണ്ടിരിക്കുകയാണ്. ഒമിക്രോണിന്റെ 4 വകഭേദങ്ങളെ ഞങ്ങൾ പിന്തുടരുകയും പഠിക്കുകയുമാണ്. ബിഎ.1, ബിഎ.1.1, ബിഎ.2, ബിഎ.3 എന്നീ വകഭേദങ്ങളാണ് കണ്ടെത്തിയത്. ലോകമാകെ ഡെൽറ്റാ വകഭേദത്തേക്കാൾ കൂടിയ തോതിലാണ് ഒമിക്രോൺ സാന്നിധ്യം.
കഴിഞ്ഞ ആഴ്‌ച്ച മാത്രം 75,000 കൊവിഡ് മരണങ്ങൾ ഉണ്ടായി എന്ന കുറിപ്പോടെയാണ് മരിയ വാൻ കെർക്കോവിന്റെ പ്രസ്താവനയുടെ വിഡിയോ ഡബ്ല്യുഎച്ച്ഒ ട്വിറ്ററിൽ പങ്കിട്ടത്. പൂർവ‌സ്ഥിതിയിലേക്ക് മടങ്ങാനുള്ള ലോകരാജ്യങ്ങളുടെ ആഗ്രഹത്തെയും സമ്മർദ്ദത്തെയും തങ്ങൾ മനസിലാക്കുന്നുവെന്നും പക്ഷേ മഹമാരി പൂർണമായി മാറിയിട്ടില്ല എന്നത് കണക്കിലെടുക്കണമെന്നും ബ്ല്യുഎച്ച്ഒ ഹെൽത്ത് എമർജൻസീസ് പ്രോഗ്രാം എക്സിക്യുട്ടീവ് ഡയറക്ടർ മൈക്ക് റയാൻ പറഞ്ഞു.
