ഡെൽറ്റ വകഭേദത്തേക്കാൾ വളരെ വേഗത്തിലാണ് ഒമിക്രോൺ വ്യാപനം. മരണനിരക്കും ഡെൽറ്റ വകഭേദത്തേക്കാൾ വളരെ ഉയർന്നതാണെന്നതാണ് കണക്കുകൾ പറയുന്ന‌ത്. വ്യാഴാഴ്‌ച മാത്രം 2,267 കൊവിഡ് മരണങ്ങളാണ് യുഎസിൽ റിപ്പോർട്ട് ചെയ്‌തത്.വെള്ളിയാഴ്ച 3,000 മരണങ്ങളും റിപ്പോർട്ട് ചെയ്തു. ഡെൽറ്റ വകഭേദം ഏറ്റവും രൂക്ഷമായ കഴിഞ്ഞ സെപ്റ്റംബറിൽ പോലും ഇത്രയധികം മരണങ്ങൾ റിപ്പോർട്ട് ചെയ്‌തിരുന്നില്ല.
5,38,028 പേരാണ് വെള്ളിയാഴ്ച രോഗബാധിതരായത്.ഒമിക്രോൺ വകഭേദം പലതരം ആരോഗ്യപ്രശ്നങ്ങൾക്കും കാരണമാകുന്നുണ്ടെന്നാണ് റിപ്പോർട്ട്. രാജ്യത്ത് ഒമിക്രോൺ തരംഗം തന്നെ ഉണ്ടാകാമെന്നും മരണനിരക്കിൽ ഇത് വൻ വർധനവിനിടയാക്കുമെന്നും കലിഫോർണിയ സർവകലാശാലയിലെ പൊതുജനാരോഗ്യ വിദഗ്ധൻ ആന്റണി നോയമർ പ്രതികരിച്ചു.
