ആദ്യം ജോണ്‍സണ്‍ മാഷ്, പിന്നീട് റെന്‍, ഇപ്പോഴിതാ ഷാന്‍ ജോണ്‍സണ്‍, ഞെട്ടലില്‍ കലാലോകം; ഷാന്‍ ജോണ്‍സന്‍റെ ‘മനസിന്‍ മടിയിലെ മാന്തളിരില്‍’ കാണാം
2011 ഓഗസ്റ്റ് 18നായിരുന്നു ജോണ്‍സണ്‍ മാഷ് വിടപറഞ്ഞകന്നത്. മലയാള സിനിമാസംഗീതലോകം വിശ്വസിക്കാനാവാതെ തരിച്ചിരുന്നുപോയ ദിനമായിരുന്നു അത്. മാസങ്ങള്‍ക്ക് ശേഷം, കൃത്യമായി പറഞ്ഞാല്‍ 2012 ഫെബ്രുവരി 25ന് ജോണ്‍സണ്‍ മാഷിന്‍റെ മകന്‍ റെന്‍ ജോണ്‍സണും ഈ ലോകം വിട്ട് യാത്രയായി. ചെന്നൈയില്‍ ഒരു ബൈക്ക് അപകടത്തിലാണ് റെന്‍ മരിച്ചത്. ഇപ്പോള്‍ ജോണ്‍സണ്‍ മാഷിന്‍റെ മകള്‍ ഷാന്‍ ജോണ്‍സണും മരണത്തിന് കീഴടങ്ങിയിരിക്കുന്നു. ചെന്നൈയിലെ ഒരു ഹോട്ടല്‍ മുറിയില്‍ മരിച്ച നിലയില്‍ കാണപ്പെടുകയായിരുന്നു ഷാനിനെ.
