ആഡംബര കപ്പലിലെ ലഹരിക്കേസുമായി ബന്ധപ്പെട്ട് ജയിലില്‍ കഴിയുന്ന മകന്‍ ആര്യന് ഖാനെ കാണാന്‍ ബോളിവുഡ് സൂപ്പര്‍താരം ഷാരൂഖ് ഖാന്‍ എത്തി. മുംബൈ ആര്‍തര്‍ റോഡ് ജലിലിലെത്തിയാണ് ഷാരൂഖ് മകനെ കണ്ടത്. ജയിലിനുള്ളില്‍ മിനിറ്റുകള്‍ മാത്രമാണ് ഷാരൂഖ് ചെലവഴിച്ചത്. മകനോട് സംസാരിക്കാന്‍ ഷാരൂഖിന് മാനസികമായ ബുദ്ധിമുട്ടുണ്ടായിരുന്നു. പിതാവിനോട് ആര്യന് അധികം സംസാരിച്ചില്ല. മകന്റെ അവസ്ഥയില്‍ ഷാരൂഖ് ഏറെ വേദനിച്ചു. അധികസമയം മകനൊപ്പം ചെലവഴിക്കാന്‍ അദ്ദേഹത്തിനു സാധിച്ചില്ല. ജയിലിനു പുറത്ത് കൂടിനില്‍ക്കുകയായിരുന്ന മാധ്യമപ്രവര്‍ത്തകരോട് ഒന്നും മിണ്ടാതെയാണ് ഷാരൂഖ് ഖാന്‍ തിരിച്ചുപോയത്.
