ബോളിവുഡ് നടന്‍ സല്‍മാന്‍ ഖാന് വീണ്ടും വധഭീഷണി. ലൊറന്‍സ് ബിഷ്‌ണോയ് സംഘത്തിന്റേത് എന്ന പേരില്‍ രാത്രി മുംബൈ ട്രാാഫിക് കണ്ട്രോള്‍ റൂമിലേക്കാണ് സന്ദേശം എത്തിയത്. ഇതോടെ സല്‍മാന്‍ ഖാന്റെ ബാന്ദ്രയിലെ ഗാലക്‌സി അപ്പാര്‍ട്ട്‌മെന്റിന് സുരക്ഷ കൂട്ടി. ബാബാ സിദ്ദിഖിയുടെ കൊലപാതകത്തീന് ശേഷം ഇത് നാലാം തവണയാണ് സല്‍മാന്‍ ഖാന് വധഭീഷണി ലഭിക്കുന്നത്. സംഭവത്തില്‍ പോലീസ് കേസെടുത്ത് അന്വേഷണം തുടങ്ങി.
സല്‍മാന്‍ ഖാനെ ഫോണില്‍ വിളിച്ച് ഭീഷണിപ്പെടുത്തി പണം തട്ടാന്‍ ശ്രമിച്ച രാജസ്ഥാന്‍ സ്വദേശി കഴിഞ്ഞ ദിവസം കര്‍ണാടകയില്‍ പിടിയിലായിരുന്നു. രാജസ്ഥാന്‍ സ്വദേശി ബിക്കാറാം ബിഷ്‌ണോയിയാണ് അറസ്റ്റിലായത്. സല്‍മാന്‍ ഖാനെ ഫോണില്‍ വിളിച്ച് ഇയാള്‍ 2 കോടി രൂപയാണ് ആവശ്യപ്പെട്ടത്. ലോറന്‍സ് ബിഷ്‌ണോയിയുടെ സഹോദരനാണെന്ന് അവകാശപ്പെട്ടാണ് ഇയാള്‍ പണം ആവശ്യപ്പെട്ടത്.
