മമ്മൂട്ടിയുടെ കുടുംബവും പൃഥ്വിരാജിന്റെ കുടുംബവും തമ്മിലും അടുത്ത സൗഹൃദമുണ്ട്. കൊച്ചിയിലാണ് മമ്മൂട്ടിയും കുടുംബവും താമസിക്കുന്നത്. കൊച്ചിയില്‍ കുടുംബസമേതം ഉള്ളപ്പോള്‍ പൃഥ്വിരാജ് മമ്മൂട്ടിയുടെ വീട്ടിലെത്തും. മമ്മൂട്ടിയുടെ വീട്ടിലെ ഞായറാഴ്ച സ്പെഷ്യല് ബിരിയാണി കഴിക്കാനാണ് പൃഥ്വിരാജും കുടുംബവും എത്താറുള്ളത്. ഞായറാഴ്ചകളില്‍ കൊച്ചിയിലുണ്ടെങ്കില്‍ മമ്മൂക്കയുടെ വീട്ടില്‍ നിന്നാണ് ഭക്ഷണമെന്നും സുല്‍ഫത്തിക്ക (മമ്മൂട്ടിയുടെ ഭാര്യ) ഉണ്ടാക്കി തരുന്ന സ്പെഷ്യല് ബിരിയാണി കഴിക്കാതെ മറ്റ് പരിപാടികളൊന്നും ഉണ്ടാകില്ലെന്നുമാണ് പൃഥ്വിരാജ് പറയുന്നത്. മമ്മൂട്ടിയുടെ മകനും നടനുമായ ദുല്‍ഖര്‍ സല്‍മാനുമായും പൃഥ്വിരാജിനും കുടുംബത്തിനു വളരെ അടുത്ത സൗഹൃദമുണ്ട്.
