നിവിൻ പോളിയും ഗ്രേസ് ആന്റണിയും ഭാര്യ ഭർത്താക്കന്മാരായി അഭിനയിക്കുന്ന ഏറ്റവും പുതിയ ചിത്രമാണ് 'കനകം കാമിനി കലഹം'. ഇതുവരെ കാണാത്ത പുത്തൻ രൂപത്തിലും ഭാവത്തിലും ആയിരിക്കും നടി ഈ ചിത്രത്തിൽ എത്തുക. ഹരിപ്രിയ എന്ന നാട്ടിൻപുറത്തുകാരിയായാണ് നടി എത്തുന്നത്. മാത്രമല്ല ഒരു നാടക നടി കൂടിയാണ് ഈ കഥാപാത്രം. അടുത്തിടെയാണ് സിനിമയുടെ ചിത്രീകരണം പൂർത്തിയായത്.
വിനയ് ഫോർട്ട്, വിൻസി അലോഷ്യസ്, ജാഫർ ഇടുക്കി, ജോയ് മാത്യു, ശിവദാസ് കണ്ണൂർ, രാജേഷ് മാധവൻ എന്നിവരാണ് മറ്റ് പ്രധാന വേഷങ്ങളിൽ എത്തുന്നത്. പോളി ജൂനിയർ പിക്‌ചേഴ്‌സിന്റെ ബാനറിൽ നിവിൻ പോളി തന്നെയാണ് ചിത്രം നിർമിക്കുന്നത്.
