സൂപ്പർ ഹീറോ വേഷത്തിൽ എത്തുന്ന ടോവിനോ കഥാപാത്രത്തെ ആരാധകർ ഇരുകൈയും നീട്ടിയാണ് സ്വീകരിച്ചത്. മുഖംമൂടി ധാരിയായ മിന്നൽ മുരളിയെ ഒരു സഹകരണ ബാങ്ക് കൊള്ളയടിച്ചതിന് പോലീസ് തിരയുകയാണെന്നാണ് ടീസറിൽ പറയുന്നത്. ആരാലും സാധിക്കാൻ ആകാത്ത പല പ്രകടനങ്ങളും ടീസറിൽ ടോവിനോ കഥാപാത്രം കാഴ്ച വെക്കുന്നുണ്ട്. അമാനുഷികമായ വേഗതയുള്ള മിന്നൽ മുരളിയെ കാണാൻ ആരാധകർ കാത്തിരിക്കുകയാണ്. അഞ്ച് ഭാഷകളിലായി ചിത്രം ഒരുങ്ങുന്നുണ്ട്.
