സിഐഡി മൂസ 2,റണ്‍വെ 2,3 കണ്‍ട്രീസ് തുടങ്ങിയ സിനിമകള്‍ വൈകാതെ തന്നെ തുടങ്ങാന്‍ ആകുമെന്ന് പ്രതീക്ഷയിലാണ് ദിലീപും സംഘവും.
'രണ്ടാം ഭാഗത്തില്‍ ഒരിക്കലും ഞാന്‍ ഉണ്ടാകില്ല. കാരണം അതിന്റെ കാലഘട്ടം മാറിക്കഴിഞ്ഞു. നമ്മുടെ പ്രായം മാറി. അന്ന് പടക്കം പൊട്ടിച്ച് നടന്ന പ്രായം അല്ലിപ്പോള്‍. ഇന്ന് അതൊക്കെ പിള്ളേര് ചെയ്യട്ടെ',-എന്നാണ് സലിംകുമാര്‍ പറഞ്ഞത്.
എന്നാല്‍ സലിംകുമാറിനെ രണ്ടാം ഭാഗത്തില്‍ കൊണ്ടുവരാനുള്ള ശ്രമങ്ങള്‍ നിര്‍മാതാക്കള്‍ നടത്തുമെന്ന് പ്രതീക്ഷയിലാണ് ആരാധകരും.'തൊരപ്പന്‍ കൊച്ചുണ്ണി' എന്ന കഥാപാത്രത്തെ അവതരിപ്പിച്ച ഹരിശ്രീ അശോകന്‍ സിനിമയില്‍ ഉണ്ടാകാനാണ് സാധ്യത. സിഐഡി മൂസയിലെ പോലെയുള്ള കഥാപാത്രങ്ങള്‍ ചെയ്യാന്‍ ഇഷ്ടമാണെന്നും ഇനിയും അത് ചെയ്യുമെന്നുമാണ് ഹരിശ്രീ അശോകന്‍ പറഞ്ഞത്.
