തന്റെ 'എമര്ജന്സി' സിനിമയുടെ കട്ട് ചെയ്യാത്ത പതിപ്പിന് അനുമതി ലഭിച്ചില്ലെങ്കില് കോടതിയെ സമീപിക്കുമെന്ന് നടിയും ബിജെപി എംപിയുമായ കങ്കണ റണാവത്ത്. തന്റെ സിനിമയ്ക്ക് അടിയന്തരാവസ്ഥ പ്രഖ്യാപിച്ച അവസ്ഥയാണെന്നും താരം പറഞ്ഞു. ചിത്രത്തില് കങ്കണ മുന് പ്രധാനമന്ത്രി ഇന്ദിരാഗാന്ധിയായാണ് എത്തുന്നത്. സിനിമയ്ക്ക് സെന്സര് ബോര്ഡിന്റെ അനുമതി ആദ്യം ലഭിച്ചെങ്കിലും പിന്നീട് അത് പിന്വലിക്കപ്പെടുകയായിരുന്നു.
