ഒടുവില്‍, ഡല്‍ഹി മുഖ്യമന്ത്രി അരവിന്ദ് കെജ്‌രിവാളിന്റെ സര്‍ട്ടിഫിക്കറ്റും ‘ദൃശ്യ’ത്തിന് ലഭിച്ചു. ‘ദൃശ്യം കണ്ടു; കണ്ടിരിക്കേണ്ട സിനിമ’ - ഹിന്ദി ദൃശ്യം കണ്ടതിനു ശേഷം കെജ്‌രിവാള്‍ ട്വീറ്റ് ചെയ്തു. ചിത്രം റിലീസ് ചെയ്യുന്നതിനു മുമ്പ് ബി ജെ പി അധ്യക്ഷന്‍ അമിത് ഷാ ചിത്രത്തിന് ആശംസകള്‍ അറിയിച്ചിരുന്നു.
അജയ് ദേവ്‌ഗണ്‍, ശ്രേയ ശരണ്‍, തബു എന്നിവര്‍ പ്രധാന കഥാപാത്രങ്ങളെ അവതരിപ്പിച്ച ഹിന്ദി ദൃശ്യത്തിന്റെ സംവിധാനം നിഷികാന്ത് കാമത്ത് ആണ്. ജീത്തു ജോസഫ് ആണ് മലയാളത്തില്‍ ദൃശ്യം സംവിധാനം ചെയ്തത്.
