ബോക്‌സ്ഓഫീസില്‍ ശരാശരി പ്രകടനവുമായി മമ്മൂട്ടി ചിത്രം ക്രിസ്റ്റഫര്‍. റിലീസ് ദിവസം ചിത്രത്തിന്റെ ഗ്രോസ് 1.70 കോടി മാത്രമാണ്. ആദ്യദിനം രണ്ട് കോടി പോലും കളക്ട് ചെയ്യാന്‍ ക്രിസ്റ്റഫറിന് സാധിച്ചില്ല. ആദ്യ ഷോയ്ക്ക് ശേഷം പുറത്തുവന്ന മോശം റിപ്പോര്‍ട്ടുകള്‍ സിനിമയുടെ പിന്നീടുള്ള ബോക്‌സ്ഓഫീസ് പ്രകടനത്തെ സാരമായി ബാധിച്ചു.
മോശം തിരക്കഥയാണ് സിനിമയ്ക്ക് തിരിച്ചടിയായത്. പ്രവചനീയമായ കഥാ സന്ദര്‍ഭങ്ങള്‍ സിനിമയുടെ ആസ്വാദനത്തെ സാരമായി ബാധിച്ചു. മമ്മൂട്ടിയുടെ പ്രകടനം മാത്രമാണ് ചിത്രത്തില്‍ ആരാധകരെ തൃപ്തിപ്പെടുത്തിയത്. അമല പോള്‍, ഐശ്വര്യ ലക്ഷ്മി, സ്‌നേഹ, സിദ്ദിഖ്, വിനയ് റായ്, ദിലീഷ് പോത്തന്‍, ഷൈന്‍ ടോം ചാക്കോ എന്നിവരും ചിത്രത്തില്‍ അഭിനയിച്ചിട്ടുണ്ട്.
