നടന്‍ സിദ്ദിഖിനെതിരായ ലൈംഗികാതിക്രമ ആരോപണം തന്നെ ഞെട്ടിച്ചുവെന്ന് നടി അര്‍ച്ചന കവി. സ്വന്തം യൂട്യൂബ് ചാനലിലൂടെയാണ് അര്‍ച്ചന ഇക്കാര്യം പറഞ്ഞത്. ഇത്രയും നന്മ ചെയ്യുന്നവര്‍ ഈ ഭൂമിയില്‍ വേറെ ഉണ്ടാവില്ലെന്ന് ചിലരെ കുറിച്ച് വിചാരിക്കും. എന്നാല്‍ അവരായിരിക്കും സിനിമ സെറ്റുകളിലെ യഥാര്‍ത്ഥ തെമ്മാടികള്‍. നമ്മുടെ മനസ്സിന്റെ ദൗര്‍ബല്യം എന്താണെന്ന് അവര്‍ക്കറിയാമായിരിക്കും. സിദ്ദിഖ് സാര്‍ അച്ഛനെ പോലെയുള്ള ആളാണ്. എന്നാല്‍ നിരപരാധിത്വം തെളിയിക്കുന്നത് വരെ താന്‍ അതിജീവിതയ്‌ക്കൊപ്പമാണെന്ന് അര്‍ച്ചന വ്യക്തമാക്കി.
