എആര്‍ റഹ്‌മാന്റെ വിവാഹ മോചനം സംബന്ധിച്ച ഊഹാപോഹങ്ങൾ സോഷ്യൽ മീഡിയയിൽ തകൃതിയായി നടക്കുന്നുണ്ട്. റഹ്‌മാനും സൈറ ബാനുവും തങ്ങൾ പിരിയുകയാണെന്ന് അറിയിച്ചതിന് പിന്നാലെ റഹ്‌മാനെ ചുറ്റിപ്പറ്റി ചില കഥകളും പ്രചരിച്ച് തുടങ്ങി. റഹ്‌മാനെതിരെ സോഷ്യൽ മീഡിയയിൽ പരിഹാസ ട്രോളുകൾ കുമിഞ്ഞ്‍കൂടിയതോടെ പ്രതികരണവുമായി റഹ്‌മാന്റെ മക്കൾ.
തന്നെയും റഹ്‌മാനെയും ചേർത്ത് പ്രചരിക്കുന്ന ട്രോളുകൾക്ക് റഹ്‌മാന്റെ ബാന്റിലെ ബാസിസ്റ്റായ മോഹിനി ഡേ വ്യക്തമായ മറുപടി നൽകി. ശുദ്ധ വിവരക്കേട് എന്നാണ് മോഹിനി ഇതേക്കുറിച്ച് പറയുന്നത്. ഇന്റർവ്യൂനായി നിരവധി പേരാണ് മോഹിനിയെ സമീപിച്ചിരിക്കുന്നത്. മറ്റുള്ളവരുടെ വിവരക്കേടിന് ഇന്ധനം പകരാന്‍ താനില്ലെന്ന് മോഹിനി അറിയിച്ചു.
