' മി ടൂ മൂവ്‌മെന്റ് ലോകം മുഴുവന്‍ ഉണ്ടാക്കിയ ഇംപാക്ടിനെ കുറിച്ച് മനസിലായിട്ടില്ല എന്നു വേണം കരുതാന്‍. അത്തരത്തിലൊരു പരാമര്‍ശം ആരു നടത്തിയാലും അത് അജ്ഞതയില്‍ നിന്നുള്ളതാണ്,' ആഷിഖ് പറഞ്ഞു. മി ടൂ മൂവ്‌മെന്റ് ഒരു ഫാഷന്‍ ആയി മാറിയെന്നും ആര്‍ക്കു വേണമെങ്കിലും മി ടൂ ഉന്നയിക്കാവുന്ന അവസ്ഥയാണെന്നുമാണ് മുന്‍പ് മോഹന്‍ലാല്‍ ഒരു അഭിമുഖത്തില്‍ പ്രതികരിച്ചത്.
അതേസമയം താരസംഘടനയായ 'അമ്മ' യുടെ പ്രവര്‍ത്തനം ഫ്യൂഡല്‍ സ്വഭാവത്തില്‍ ആണെന്നും അടിമക്കൂട്ടങ്ങളെ സൃഷ്ടിക്കുന്നതാണ് ആ സംഘടനയുടെ ശൈലിയെന്നും ആഷിഖ് വിമര്‍ശിച്ചു. ഒന്നാം പിണറായി സര്‍ക്കാരിന്റെ കാലത്ത് സിനിമയിലെ നവീകരണത്തിനായി ചെയ്ത കാര്യങ്ങള്‍ പ്രശംസനീയമാണെന്നും രണ്ടാം പിണറായി സര്‍ക്കാരിന്റെ കാലത്തേക്കു എത്തിയപ്പോള്‍ അത് പൂര്‍ണമായി നിലച്ചെന്നും ആഷിഖ് കുറ്റപ്പെടുത്തി.
