യുകെ, അയര്‍ലന്‍‌ഡ്, സ്വിറ്റ്‌സര്‍ലന്‍ഡ്, ഓസ്ട്രിയ, മാള്‍ട്ട, ഉക്രെയ്ന്‍, സ്വീഡന്‍, പോളണ്ട്, ഇറ്റലി തുടങ്ങിയ രാജ്യങ്ങളില്‍ ഗംഭീര സ്വീകരണമാണ് ഡേവിഡ് നൈനാന് ലഭിക്കുന്നത്. ഇതിനകം തന്നെ 60 കോടി കളക്ഷനിലെത്തിക്കഴിഞ്ഞ ഗ്രേറ്റ്ഫാദര്‍ യൂറോപ്യന്‍ പര്യടനം പൂര്‍ത്തിയാക്കുന്നതോടെ 100 കോടി ക്ലബില്‍ പ്രവേശിക്കുമെന്നാണ് റിപ്പോര്‍ട്ടുകള്‍.
ഈ പ്രതികാരകഥയില്‍, കുറ്റവാളിയെ കണ്ടുപിടിക്കുന്നതിന് ഡേവിഡ് നൈനാന് നടത്തുന്ന ബ്രില്യന്‍റ് ശ്രമങ്ങള്‍ തന്നെയാണ് ഹൈലൈറ്റ്. പിന്നെ മമ്മൂട്ടിയുടെ സ്റ്റൈലിഷ് ലുക്കും. അതിനുമപ്പുറം അച്ഛനും മകളും തമ്മിലുള്ള ഹൃദയബന്ധം കുടുംബപ്രേക്ഷകര്‍ ഏറ്റെടുക്കുക കൂടി ചെയ്തതാണ് സിനിമയുടെ മഹാവിജയത്തിന് പ്രധാന കാരണം.
