നിവിന്‍ പോളി നായകനായ പ്രേമം കേരളക്കരയാകെ പിടിച്ചുകുലുക്കുകയാണ്. ഓരോ ദിവസവും കളക്ഷനില്‍ പുതിയ റെക്കോര്‍ഡിട്ട്, തിയേറ്ററുകളില്‍ ജനസമുദ്രം സൃഷ്ടിക്കുകയാണ് പ്രേമം. പ്രേമം കാരണം ജയസൂര്യയ്ക്ക് മാത്രമല്ല പണികിട്ടിയത്.
ഉണ്ണിമുകുന്ദന്‍ നായകനായ ‘സാമ്രാജ്യം 2’ വന്നതും പോയതുമൊന്നും ‘പ്രേമത്തിന്‍റെ തിരക്കില്‍’ പ്രേക്ഷകര്‍ ശ്രദ്ധിച്ചതേയില്ല. ഏറ്റവും വലിയ പണികിട്ടിയ സിനിമകളിലൊന്ന് ആസിഫ് അലിയുടെ ‘നിര്‍ണായകം’ ആണ്. സഞ്ജയ് - ബോബിയുടെ തിരക്കഥയില്‍ വി കെ പ്രകാശ് ഒരുക്കിയ നിര്‍ണായകം നല്ല സിനിമയാണെങ്കിലും ‘പ്രേമം’ അവിടെയും വില്ലനായി. പ്രേമം നാലും അഞ്ചും തവണ കാണാന്‍ ടിക്കറ്റെടുക്കുന്നവര്‍ മറ്റുചിത്രങ്ങളെ പരിഗണിക്കുന്നതേയില്ല.
