പതിവ് ജയറാം സിനിമകളുടെ ചേരുവകളൊന്നും ഈ ചിത്രത്തിലുണ്ടാവില്ല. ഒരു അമ്പതുവയസുകാരന്‍റെ ആകുലതകളും വേദനയും ഒറ്റപ്പെടലുമെല്ലാം ചിത്രീകരിക്കുന്ന സിനിമ അച്ഛന്‍-മകന്‍ ബന്ധത്തിന് പുതിയ നിര്‍വചനം നല്‍കാനുള്ള ശ്രമത്തിന്‍റെ ഭാഗമാണ്. മറ്റൊരു കൌതുകം, രഞ്ജിത് സംവിധാനം ചെയ്യുന്ന ചിത്രത്തില്‍ ആദ്യമായാണ് ജയറാം അഭിനയിക്കുന്നത്!
വിറ്റ്‌നസ്, കാലാള്‍പ്പട, പ്രാദേശികവാര്‍ത്തകള്‍, പെരുവണ്ണാപുരത്തെ വിശേഷങ്ങള്‍, ശുഭയാത്ര, പാവക്കൂത്ത്, നന്‍‌മ നിറഞ്ഞവന്‍ ശ്രീനിവാസന്‍, മറുപുറം, നഗരങ്ങളില്‍ ചെന്ന് രാപ്പാര്‍ക്കാം, ജോര്‍ജ്ജുകുട്ടി C/O ജോര്‍ജ്ജുകുട്ടി, പൂക്കാലം വരവായി, കൈക്കുടന്ന നിലാവ്, കൃഷ്ണഗുഡിയില്‍ ഒരു പ്രണയകാലത്ത്, സമ്മര്‍ ഇന്‍ ബേത്‌ലഹേം എന്നിവയാണ് രഞ്ജിത് രചിച്ച ജയറാം ചിത്രങ്ങള്‍.
