പ്രിയ പ്രകാശ് വാര്യര്‍ ഇന്ന് മലയാളത്തിന്‍റെ മാത്രം സ്വന്തമല്ല. ലോകത്തിന്‍റെ മുഴുവന്‍ നായികയാണ്. ലോകമെങ്ങും ഇപ്പോള്‍ പ്രിയ അഭിനയിച്ച ‘മാണിക്യമലരായ് പൂവി’ ഗാനരംഗവും ‘ഒരു അഡാറ് ലവ്’ എന്ന ചിത്രത്തിന്‍റെ ടീസറും വൈറലായി മാറിയിരിക്കുന്നു. പുരികക്കൊടിയാല്‍ ലോകത്തെ മുഴുവന്‍ വീഴ്ത്തിക്കളഞ്ഞ പ്രിയയെ അഡാറ് ലവിനുവേണ്ടിയല്ല സംവിധായകന്‍ ഒമര്‍ ആദ്യമായി തെരഞ്ഞെടുത്തത് എന്നറിയാമോ?
എന്നാല്‍ പിന്നീട് ഒമര്‍ തന്നെ പുതിയ ചിത്രം തുടങ്ങുന്നതായി അറിഞ്ഞു. ‘ഒരു അഡാറ് ലവ്’ ഓഡിഷന് ഉണ്ടെന്നറിഞ്ഞതോടെ അതിനും പോയി. കിട്ടുമെന്ന് പ്രതീക്ഷയുണ്ടായിരുന്നില്ല. എന്നാല്‍ പിന്നീട് സെലക്‍ട് ചെയ്തെന്നറിയിച്ച് കോള്‍ വന്നു. ഒരു ജൂനിയര്‍ റോള്‍ ചെയ്യാന്‍ വേണ്ടിയാണ് വിളിച്ചത്. ആദ്യമെടുത്തത് ‘മാണിക്യമലരായി പൂവി’ എന്ന സോംഗിന്‍റെ ദൃശ്യങ്ങളായിരുന്നു.
കുട്ടിക്കാലം മുതല്‍ക്കേ പ്രിയാ വാര്യര്‍ക്ക് അഭിനയമോഹം ഉണ്ടായിരുന്നു. സ്കൂളിലാണ് അഭിനയപരീക്ഷണങ്ങള്‍ തുടങ്ങിയത്. ഡ്രാമയൊക്കെ ചെയ്തു. പിന്നെ മൂന്ന് ഷോര്‍ട്ട് ഫിലിംസ് ചെയ്തു. റാംപ് ഷോകള്‍ ചെയ്തു. കോളജില്‍ നിന്ന് ഫാഷന്‍ ഷോ കോമ്പറ്റീഷനുകള്‍ക്ക് പോയി. ഒടുവില്‍ പ്രിയ സിനിമയിലെത്തിയിരിക്കുകയാണ്. ആദ്യ സിനിമ പുറത്തുവരുന്നതിന് മുമ്പ് തന്നെ പ്രിയ വാര്യര്‍ ലോകമറിയുന്ന സെലിബ്രിറ്റിയാവുകയും ചെയ്തു.
