മമ്മൂട്ടിയും മോഹന്‍ലാലും ഒരുമിച്ച് 54 സിനിമകളില്‍ അഭിനയിച്ചിട്ടുണ്ട്. “എല്ലാക്കാലത്തും എല്ലാ ഭാഷയിലും രണ്ടുപേര്‍ ഉണ്ടായിട്ടുണ്ട്. തമിഴില്‍ എം ജി ആര്‍ - ശിവാജി, ഹിന്ദിയില്‍ അമിതാഭ് ബച്ചന്‍ - ധര്‍മ്മേന്ദ്ര, മലയാളത്തില്‍ തന്നെ പ്രേംനസീര്‍ - സത്യന്‍, സോമന്‍ - സുകുമാരന്‍ അങ്ങനെ. പക്ഷേ ഇത്രയധികം സിനിമകള്‍ ഒരുമിച്ച് ചെയ്യാന്‍ ഇവര്‍ക്ക് ആര്‍ക്കും കഴിഞ്ഞിട്ടില്ല. പരസ്പരം കൊടുക്കുന്ന ബഹുമാനം കൊണ്ടാണത്. കേരളത്തില്‍ ജനിച്ചതുകൊണ്ടാണെന്നും എനിക്ക് തോന്നുന്നു” - ഒരു അഭിമുഖത്തില്‍ മോഹന്‍ലാല്‍ പറയുന്നു.
“ദൃശ്യം എന്ന ചിത്രത്തിന്‍റെ ഷൂട്ടിംഗ് നടക്കുമ്പോള്‍ മമ്മൂട്ടിക്ക് എന്നോട് പറഞ്ഞു, ഈ സിനിമയുടെ കഥ തന്നോട് പറഞ്ഞതാണെന്ന്. അത്തരത്തില്‍ ഒരുപാട് കഥാപാത്രങ്ങളെ അവതരിപ്പിച്ചിട്ടുള്ളതുകൊണ്ട് ദൃശ്യം ചെയ്തില്ല എന്നും അദ്ദേഹം പറഞ്ഞു. ആ സിനിമ ആരഭിനയിച്ചാലും അതൊരു സക്സസിലേക്ക് പോകും എന്നുതന്നെയാണ് ഞാന്‍ വിശ്വസിക്കുന്നത്” - മോഹന്‍ലാല്‍ പറയുന്നു.
