ക്രിക്കറ്റ് മൈതാനത്തിനകത്തും പുറത്തും ഇന്ത്യയുടെ മുന്‍ ഓപ്പണര്‍ ഗൗതം ഗംഭീറും പാക്കിസ്ഥാന്റെ മുന്‍ നായകന്‍ ഷാഹിദ് അഫ്രീദിയും തമ്മിലുള്ള വാക്പോരാട്ടങ്ങൾ ക്രിക്കറ്റ് ലോകത്തിന് സുപരിചിതമാണ്. അഫ്രീദി ഒരിടയ്‌ക്ക് ഇന്ത്യാ വിരുദ്ധ പ്രസ്‌താവനകൾ കൂടി നടത്തിയതോടെ ഇരുവരും തമ്മിലുള്ള അകലം വർധിക്കുകയും ചെയ്തിരുന്നു.
2009-2011 കാലഘട്ടത്തില്‍ ഇന്ത്യന്‍ ടീമിന്റെ മെന്റല്‍ കണ്ടിഷനിങ് പരിശീലകനായിരുന്ന പാഡി അപ്ടണ്‍ ഇന്ത്യന്‍ ടീമില്‍ താന്‍ കണ്ട ഏറ്റവും ദുര്‍ബലന്‍ ഗൗതം ഗംഭീറായിരുന്നുവെന്ന് പറഞ്ഞിരുന്നു. ഇത് ചൂണ്ടികാണിച്ച് ഗംഭീറിന് പ്രശ്‌നങ്ങൾ ഉള്ളതായി ടീം ഫിസിയോ തന്നെ പറഞ്ഞിരുന്നെന്നും അഫ്രീദി അഭിമുഖത്തിനിടെ വ്യക്തമാക്കി.
