ഐപിഎല്ലില്‍ ഇന്ന് രാജസ്ഥാന് റോയല്‍സ്- ഡല്‍ഹി ക്യാപ്പിറ്റല്‍സ് പോരാട്ടം. ആകെ കളിച്ച 10 മത്സരങ്ങളില്‍ എട്ടിലും വിജയിച്ചുകൊണ്ട് പോയന്റ് പട്ടികയില്‍ രണ്ടാം സ്ഥാനത്താണ് രാജസ്ഥാന്. പ്ലേ ഓഫ് ഏറെ കുറെ ഉറപ്പിച്ചെങ്കിലും ആദ്യ രണ്ട് സ്ഥാനക്കാരില്‍ ഇടം പിടിക്കാന്‍ ഇനിയുള്ള മത്സരങ്ങളില്‍ വിജയിക്കേണ്ടത് രാജസ്ഥാന് ആവശ്യമാണ്. ആദ്യ 2 സ്ഥാനക്കാര്‍ക്ക് പ്ലേ ഓഫില്‍ രണ്ട് മത്സരങ്ങള്‍ കളിക്കാനുള്ള അവസരമാണ് ലഭിക്കുന്നത്. അതിനാല്‍ തന്നെ ഫൈനല്‍ സാധ്യതയും ഈ ടീമുകള്‍ക്ക് വര്‍ധിക്കും.
