ഗര്‍ഭകാലത്ത് ഒഴിവാക്കേണ്ട ഒന്നാണ് ഹോട്ട് ട്രീറ്റ്‌മെന്റ്‌സ്. ഗര്‍ഭിണിയുടെ ശരീരത്തിനു ചുറ്റും ചൂടുളള ടവലോ മറ്റോ ചുറ്റി വയ്ക്കുന്നത് നല്ലതല്ല. ടെംപറേച്ചര്‍ നിലയില്‍ പെട്ടെന്നു വരുന്ന വ്യത്യാസം വയറ്റിലെ കുഞ്ഞിന്റെ ആരോഗ്യത്തിന് നല്ലതുമല്ല. ശരീരത്തിലെ താപനില വര്‍ദ്ധിയ്ക്കുന്നത് ഗര്‍ഭസ്ഥ ശിശുവിന് ദോഷം വരുത്തും.
സണ്‍സ്‌ക്രീന്‍ ഉപയോഗവും ഗര്‍ഭിണികള്‍ ഒഴിവാക്കണം എന്നാണ് വിദഗ്ധര്‍ പറയുന്നത്. ഇതിലും കെമിക്കലുകള്‍ അടങ്ങിയിട്ടുണ്ട്. ഇത് തീരെ ഒഴിവാക്കാന്‍ പറ്റുന്നില്ലെങ്കില്‍ ഗര്‍ഭകാലത്തിന് അനുയോജ്യമായവ, കെമിക്കലുകള്‍ അടങ്ങാത്തവ ഉപയോഗിയ്ക്കുക. ഇതുപോലെ സൗന്ദര്യ സംരക്ഷണത്തിനും മറ്റുമായി ഉപയോഗിയ്ക്കുന്ന അനാവശ്യ ഇന്‍ഞ്ചെക്ഷനുകളും ഒഴിവാക്കണം. ഇതെല്ലാം അമ്മയിലൂടെ കുഞ്ഞിനെ ദോഷകരമായി ബാധിയ്ക്കുന്ന ഒന്നാണ്.
