വസ്തുവിന്റെ വടക്ക് കിഴക്ക് കിണര്‍ സ്ഥാപിച്ചാല്‍ സമ്പല്‍ സമൃദ്ധിയും കുടുംബത്തിന് അഭിവൃദ്ധിയും ഉണ്ടാവുമെന്നാണ് വാസ്തു ശാസ്ത്രകാരന്മാര്‍ അഭിപ്രായപ്പെടുന്നത്. അതേസമയം, വസ്തുവിന്റെ വായു കോണിലും തെക്ക് ദിക്കിലും കിണര്‍ പാടില്ലെന്നും ഇത് സര്‍വ നാശത്തിനു ഹേതുവാകുമെന്നും അവര്‍ പറയുന്നു.
വടക്ക് ദിക്കിലും കിഴക്ക് ദിക്കിലും കിണര്‍ നിര്‍മ്മിക്കുന്നത് ദോഷകരമല്ല. എന്നാല്‍, തെക്ക് ദിക്കില്‍ കിണര്‍ നിര്‍മ്മിച്ചാല്‍ സ്ത്രീനാശവും സാമ്പത്തിക നഷ്ടവും ഉണ്ടാവും. തെക്ക് കിഴക്കാണ് എങ്കിലും സ്ത്രീദോഷവും അനാരോഗ്യവുമാണ് ഫലം.
പടിഞ്ഞാറ് ഭാഗത്തുള്ള കിണറും വടക്ക് പടിഞ്ഞാറുള്ള കിണറും കുടുംബത്തിലെ പുരുഷന്‍‌മാര്‍ക്ക് ദോഷകരമാണെന്നാണ് വിശ്വാസം. കന്നിമൂലയിലോ തെക്ക് പടിഞ്ഞാറ് മൂലയിലോ ആണ് കിണറെങ്കില്‍ അത് ആരോഗ്യപ്രശ്നങ്ങളും സാമ്പത്തിക, സന്താന നാശത്തിനും ഇടയാക്കുമെന്നും വാസ്തു പറയുന്നു.
