സീരിയല്‍ നടി അപ്‌സരയുടെയും സംവിധായകനും നടനുമായ ആല്‍ബിയുടെ വിവാഹ റിസ്പഷന്‍ ആഘോഷമായി നടന്നു. ഇന്നലെ വൈകിട്ട് ആല്‍ബിയുടെ കുടുംബമാണ് റിസപ്ഷന്‍ നടത്തിയത്. രാവിലെ ചോറ്റാനിക്കര ക്ഷേത്രത്തില്‍വച്ച് ഹിന്ദു ആചാര പ്രകാരമാണ് മിന്നുകെട്ട് നടന്നത്. വൈകിട്ട് ക്രിസ്ത്യന്‍ ആചാര രീതിയിലാണ് റിസപ്ഷന്‍ നടന്നത്. കേക്ക് പങ്കുവച്ചും ഒരുമിച്ച് വൈന്‍ കുടിച്ചുമാണ് താരങ്ങള്‍ വിവാഹം ആഘോഷമാക്കിയത്. ഇതിന്റെ വീഡിയോ സോഷ്യല്‍ മീഡിയയില്‍ വൈറലായിട്ടുണ്ട്.
