മറ്റൊരു സത്യവാങ്മൂലത്തില്‍ പാര്‍ട്ടിയുടെ പേര് നല്‍കിയതിലും പിഴവ് സംഭവിച്ചിട്ടുണ്ട്. 'ഇന്ത്യന്‍ നാഷണല്‍ കോണ്‍ഗ്രസ്' എന്നതിനു പകരം ' ഇന്ത്യന്‍ നാഷണ കോണ്‍ഗ്രസ് എന്നാണ് സത്യവാങ്മൂലത്തില്‍ പറഞ്ഞിരിക്കുന്നത്. തരൂരിന്റെ വിദ്യാഭ്യാസ യോഗ്യത നല്‍കിയതിലും തെറ്റു സഭവിച്ചിട്ടുണ്ടെന്നും റിപ്പോര്‍ട്ടുകള്‍ പറയുന്നു.
സത്യവാങ്മൂലം പാര്‍ട്ടി പ്രവര്‍ത്തകരാകും തയ്യാറാക്കുന്നത് എന്നിരിക്കെ ശശി തരൂരിന് സംഭവിച്ച പിഴവായി ഇതിനെ കണക്കാക്കാന്‍ കഴിയില്ല. സത്യവാങ്മൂലത്തില്‍ ഒപ്പിടുക മാത്രമാകും സാധാരണഗതിയില്‍ സ്ഥാനാര്‍ഥികള്‍ ചെയ്യുക. സത്യവാങ്മൂലത്തില്‍ വസ്തുതാപരമായ തെറ്റുകള്‍ മാത്രമെ പ്രശ്‌നമാകു എന്നിരിക്കെ ഇതില്‍ നിയമ പ്രശ്‌നങ്ങള്‍ ഒന്നും ഉണ്ടായിരിക്കില്ല.
