തന്റെ തന്നെ ‘മോഹന്‍ലാലിനെ എനിക്കിപ്പോള്‍ ഭയങ്കര പേടിയാണ്’ എന്ന കഥയെ ആസ്പദമാക്കിയുള്ളതാണ് ചിത്രമെന്ന് സംവിധായകന്‍ ആരോപിക്കുന്നു. ഫെഫ്കയില്‍ ഞാന്‍ പരാതിനല്‍കിയിരുന്നു കഥ എന്റതായതിനാല്‍ എനിക്ക് ക്രെഡിറ്റും പ്രതിഫലവും തരണമെന്ന് ഫെഫ്ക നിശ്ചയിക്കുകയും ചെയ്തു. എന്നാല്‍, ഇപ്പോള്‍ അവര്‍ പറയുന്നത് ‘നന്ദി രേഖപ്പെടുത്താം’ എന്നാണെന്ന് കലവൂര്‍ പറയുന്നു.
എന്നാല്‍, കലവൂരിന്റെ ആരോപണങ്ങളെല്ലാം കാറ്റില്‍പ്പറത്തുകയാണ് സംവിധായകന്‍ സാജിദ് യഹിയ. കലവൂര്‍ ഇതാദ്യമായിട്ടല്ല ഒരു സിനിമയുടെ അവകാശവാദവും പറഞ്ഞ് കേസ് കൊടുക്കുന്നത്. മുന്‍പ് രക്ഷാധികാരി ബൈജുവിനെതിരെയും ദിലീപേട്ടൻ ചിത്രമായ ജോർജേട്ടൻസ് പൂരത്തിനെതിരെയും കേസ് കൊടുത്തു. ഇപ്പോൾ ഞങ്ങൾക്കെതിരായും. ഇത് വളരെ മോശമാണ്.
‘ഫെഫ്കയിൽ നിന്ന് വിളിച്ചപ്പോൾ എന്നോട് പറഞ്ഞത്, കഥ മോഷ്ടിച്ചെന്നല്ല മോഹൻലാൽ എന്ന വാക്ക് ചെറുകഥയിൽ ഉളളതുകാരണം അത് സിനിമയാക്കാൻ സാധിക്കില്ല എന്നാണ് അദ്ദേഹം പറയുന്നത് എന്നായിരുന്നു. മോഹൻലാൽ ആരുടെയും സ്വകാര്യസ്വത്തല്ലല്ലോ, പിന്നെ എന്ത് അർത്ഥത്തിലാണ് പകർപ്പവകാശലംഘനം വരുന്നത്. - സാജിദ് മനോരമയ്ക്ക് നല്‍കിയ അഭിമുഖത്തില്‍ ചോദിച്ചു.
