കാറിൽ നിന്നു ചാടിപ്പോയ കെവിനെ കണ്ടെത്താൻ മേയ് 28ന് ഉച്ചവരെ തെന്മല ചാലിയക്കരയിൽ തിരച്ചിൽ നടത്തിയിട്ടും കണ്ടെത്താനായില്ലെന്ന് പ്രതികളുടെ മൊഴി. മരണകാരണം സംബന്ധിച്ച ചില സംശയങ്ങൾ തീർക്കുന്നതിന് അന്വേഷണ സംഘം പ്രതികളെ ഇന്നലെ വീണ്ടും ചോദ്യം ചെയ്‌തിരുന്നു. ഗുണ്ടാസംഘം കോട്ടയത്തുനിന്നു തട്ടിക്കൊണ്ടുപോയ കെവിൻ ചാലിയക്കരയിൽ വച്ച് കാറിൽ നിന്നു രക്ഷപ്പെട്ടെന്നാണു പ്രതികളുടെ മൊഴി. കെവിന്റെ പിന്നാലെ ഓടിയിരുന്നെങ്കിലും കണ്ടെത്താനായില്ല.
