വെണ്ണയും നെയ്യുമെല്ലാം ഇന്ത്യക്കാര്‍ക്ക് മാത്രമല്ല, വിദേശീയര്‍ക്കും ഏറെ പ്രിയങ്കരമാണ്. അകത്താക്കുമ്പോള്‍ നാവിനും മനസ്സിനും സംതൃപ്തി നല്‍കുമെങ്കിലും ഇവ രണ്ടും ജീവനെടുക്കുന്ന വില്ലന്മാരാണെന്നാണ് ഹൃദ്രോഗ വിദഗ്ധര്‍ അഭിപ്രായപ്പെടുന്നത്.
ബ്രിട്ടണില്‍ വെണ്ണ നിരോധിക്കാനായാല്‍ ഒരു വര്‍ഷം കുറഞ്ഞത് 3,500 മരണം ഒഴിവാക്കാന്‍ സാധിക്കുമെന്ന് ലണ്ടനിലെ ‘ഹാര്‍ട്ട്’ ആശുപത്രിയിലെ ആരോഗ്യ വിദഗ്ധന്‍ അഭിപ്രായപ്പെടുന്നു. പൂരിത കൊഴുപ്പുകളാണ് വെണ്ണയിലെ വില്ലന്‍‌മാരെന്നും അവര്‍ പറയുന്നു.
