രാവിലെയും രാത്രിയും വേണമെങ്കില്‍ ഉച്ചയ്ക്കും എന്നുവേണ്ട, വിശക്കുമ്പോഴുമെല്ലാം എല്ലാവരും കഴിക്കുന്ന ഒരു ഭക്ഷണമാണ് ബ്രെഡ്. പാശ്ചാത്യരുടേതുപോലെ തന്നെ ഇന്ത്യക്കാര്‍ക്കും, എന്തിന് മലയാളികളുടെ പോലും പതിവ് ഭക്ഷണമായിക്കഴിഞ്ഞിരിക്കുന്നു ബ്രെഡ്. എന്നാല്‍ അറിഞ്ഞോളൂ... ബ്രെഡ് ആരോഗ്യത്തിന് അത്ര നല്ലതല്ലെന്നതാണ് ചില പഠനങ്ങള്‍ പറയുന്നത്.
മിക്ക ആളുകളും പ്രാതലിനാണ് ബ്രെഡ് ഉപയോഗിക്കാറുള്ളത്. രാജാവിനെപ്പോലെയായിരിക്കണം പ്രാതലെന്ന പഴയ സങ്കല്‍പത്തിന് ഇത് ചേരില്ലെന്നാണ് പഠനങ്ങള്‍ പറയുന്നത്. ബ്രെഡില്‍ പോഷകാംശങ്ങള്‍ വളരെ കുറവാണെന്നും ഇതില്‍ നിന്ന് ഫൈബറോ ധാതുക്കളോ ലഭിക്കില്ലെന്നും പറയുന്നു. ഈ ഗുണങ്ങള്‍ ലഭ്യമാകണമെങ്കില്‍ നാരുകള്‍ അടങ്ങിയ ഗോതമ്പു ബ്രെഡാണ് ഉത്തമമെന്നാണ് പഠനങ്ങള്‍ പറയുന്നത്.
