മെറ്റൽ സെക്‌ടറൊഴി‌‌കെ സകല സെക്ടറുകളും കഴിഞ്ഞ ആഴ്ച നഷ്ടത്തിലാണ് വ്യാപാരം അവസാനിപ്പിച്ചത്. ആർബിഐ നയങ്ങളുടെ പിന്തുണ ഉണ്ടായിട്ടും ബാങ്കിങ് സെക്‌ടർ നഷ്ടത്തിലാണ് ക്ലോസ് ചെയ്‌തത്.യുഎസിൽ പണപ്പെരുപ്പം ഉയർന്നത് ലോകവിപണിക്ക് തിരിച്ചടിയാണ്.ഇതിനിടെ റഷ്യയുടെ യുക്രെയ്ൻ അധിനിവേശ സാധ്യത വിപണിയെ കൂടുതൽ അനി‌ശ്ചിതത്വത്തിലാക്കുന്നു.
യുദ്ധഭീതിയെ തുടർന്ന് നാസ്ഡാക് 2.78% വീണപ്പോൾ എസ് ആൻഡ് പി 1.90%, ഡൗ ജോൺസ്‌ ഒന്നര ശതമാനവും വീണതും തിങ്കളാഴ്‌ച്ച ഇന്ത്യൻ വിപണിയിൽ പ്രതിഫലിച്ചേക്കും.യുദ്ധസാധ്യതയെ തുടർന്ന് ഓഹരി വിപണിയിൽനിന്നും നിക്ഷേപകർ ബോണ്ട് വിപണിയിലേക്കും സ്വർണത്തിലേക്കും താത്‌പ‌ര്യം പ്രകടിപ്പിക്കുമെന്നാണ് കരുതുന്നത്.അങ്ങനെയെങ്കിൽ വരും ദിവസങ്ങളിൽ സ്വർണവില ഉയരാനാണ് സാധ്യത അധികവും.
