സാംസങ്ങിന്റെ ഏറ്റവും പുതിയ സ്മാർട് ഫോൺ ഗാലക്സി എസ് 9, എസ് 9 പ്ലസ് എന്നിവ അവതരിപ്പിച്ചു. ഐറിസ് സ്കാനർ, ഫിംഗർപ്രിന്റ് സ്കാനർ, ഫേസ് ഡിറ്റക്‌ഷൻ തുടങ്ങിയവയുടെ സുരക്ഷാമികവ് ആണ് പുതിയ വേർഷനുള്ളത്. എസ് 9 ക്യാമറയിൽ നിരവധി പുതുമകളാണ് സാംസങ് പരീക്ഷിച്ചിരിക്കുന്നത്.
ഗാലക്സി എസ് 9 മോഡലിൽ 5.8 ഇഞ്ച് സ്ക്രീൻ വലുപ്പവും 18:9 സ്ക്രീൻ അനുപാതത്തിലുള്ള സ്ക്രീനുമാണ് ഉള്ളത്. 4 ജിബി റാം ഉള്ള എസ്9ൽ 64 ജിബി ഇന്റേണൽ മെമ്മറിയുണ്ട്. ഫ്രണ്ട് ക്യാമറ 8 മെഗാപിക്സൽ. ഗാലക്സി എസ് 9 പ്ലസിൽ സ്ക്രീൻ വലുപ്പം 6.2 ഇഞ്ചാണ്. 6 ജിബി റാം, 64 ജിബി ഇന്റേണൽ മെമ്മറി. 3500 മില്ലി ആംപിയർ ബാറ്ററി.
