രജനീകാന്തിന്റെ മാസ് ചിത്രമായ കബാലിയുടെ ആദ്യ സീനുകൾ ഇന്റർനെറ്റിൽ പ്രചരിക്കുന്നു. ചിത്രത്തിന്റെ സെനസർ കോപ്പി ചോർന്നുവെന്ന വാർത്തയ്ക്ക് പിന്നാലെയാണ് ആദ്യ രംഗങ്ങളും ഇന്റർനെറ്റിൽ പ്രചരിക്കുന്നതായി വാർത്തകൾ റിപ്പോർട്ട് ചെയ്തിരിക്കുകയാണ്. വെള്ളിയാഴ്ച ചിത്രം റിലീസ് ചെയ്യാനിരിക്കവെയാണ് ചിത്രത്തിന്റെ ആദ്യ രംഗങ്ങൾ പുറത്തുവന്നിരിക്കുന്നത്.
ചിത്രം ഓൺലൈനിൽ കാണരുതെന്ന് ചിത്രത്തിന്റെ അണിയറ പ്രവർത്തകർ അഭ്യർത്ഥിച്ചിട്ടുണ്ട്. കബാലിയുടെ സെൻസർ കോപ്പി പുറത്തുവന്നാലും അതൊന്നും ചിത്രത്തിന്റെ റിലീസിനെ ബാധിക്കില്ലെന്നും അണിയറ പ്രവർത്തകർ പറഞ്ഞിരുന്നു. റിലീസിന് നാല് ദിവസം മുമ്പ് തന്നെ സാറ്റലൈറ്റ് റൈറ്റിലൂടെയും മറ്റും കബാലി 200 കോടി രൂപ ലാഭം നേടി റെക്കോര്‍ഡിട്ടിരുന്നു.
