ഉപഭോക്താക്കള്‍ക്ക് പുതിയൊരു അണ്‍ലിമിറ്റഡ് ഓഫറുമായി വീണ്ടും ബിഎസ്എന്‍എല്‍ രംഗത്ത്. സൗജന്യ അണ്‍ലിമിറ്റഡ് ലോക്കല്‍ എസ്റ്റിഡി കോളുകളും പ്രതിദിനം ഒരു ജിബി ഡാറ്റയും ലഭ്യമാകുന്ന ഓഫറുമായാണ് കമ്പനി എത്തിയിരിക്കുന്നത്. 429 രൂപയുടെ റീച്ചാര്‍ജില്‍ ലഭ്യമാകുന്ന ഈ ഓഫറിന് 90 ദിവസമാണ് വാലിഡിറ്റി. എന്നാല്‍ ഈ ഓഫര്‍ കേരള സര്‍ക്കിളുകളില്‍ ലഭിക്കില്ലെന്നും ബിഎസ്എന്‍എല്‍ അറിയിച്ചു.
വോയിസ് ആന്റ് ഡാറ്റ സെന്‍ട്രിക് പ്ലാന്‍ എന്നാണ് 429 രൂപയുടെ റീച്ചാര്‍ജ് അറിയപ്പെടുന്നത്. ദീപാവലിയോട് അനുബന്ധിച്ച് മറ്റൊരു ഓഫറും ബിഎസ്എന്‍എല്‍ അവതരിപ്പിച്ചിട്ടുണ്ട്. ലക്ഷമി ഓഫര്‍ എന്നറിയപ്പെടുന്ന ഇതില്‍ ഫുള്‍ ടോക്ടൈമിനോടൊപ്പം 50% അധിക ടോക്ടൈമും ലഭിക്കുന്നു. ഈ പ്ലാനില്‍ 290 രൂപയ്ക്ക് റീച്ചാര്‍ജ്ജ് ചെയ്താല്‍ ടോക്ടൈമും ആറ് ദിവസത്തിനുളളില്‍ 435 രൂപയുടെ ടോക് ടൈമും ലഭിക്കും.
ബിഎസ്എന്‍എല്ലിന്റെ 249 രൂപയുടെ റീച്ചാര്‍ജ്ജില്‍ ബിഎസ്എന്‍എല്‍-ടൂ-ബിഎസ്എന്‍എല്ലിലേക്ക് അണ്‍ലിമിറ്റഡ് ലോക്കല്‍ എസ്റ്റിഡി കോളുകളും ഒരു ജിബി മൊബൈല്‍ ഡാറ്റയും പ്രതി ദിനം ലഭിക്കും. അതേസമയം, ഒക്ടോബര് 25 വരെ മാത്രമേ ഈ ഓഫര്‍ ലഭ്യമാകൂ എന്നും ബിഎസ്എന്‍എല്‍ അറിയിച്ചു.
