ഒറ്റനോട്ടത്തിൽ കാണുമ്പോൾ വലിയ മറ്റങ്ങൾ വാഹനത്തിന് തോന്നിയേക്കില്ല. വാഹനത്തിന്റെ അടിസ്ഥാന രൂപത്തിൽ വലിയ മാറ്റങ്ങൾ ഇല്ല എന്നതുകൊണ്ടാണിത്. പഴയ മോഡലിനെ അപേക്ഷിച്ച് വലിയ ഗ്രില്ലുകളാണ് എക്സ് യു വി 500ന് നൽകിയിരിക്കുന്നത്. ഹെഡ്‌ലാമ്പുകളിലും പുതുമ കാണാം ഹാലോജൻ പ്രോജക്ടർ ഹെഡ്‌ലാമ്പുകളാണ് വാഹനത്തിൽ ഉപയോഗിച്ചിരിക്കുന്നത്. എല്‍ഇഡി ഡേടൈം റണ്ണിംഗ് ലൈറ്റുകളുടെ സ്ഥാനം ഹെഡ്‌ലമ്പുകൾക്ക് തഴെ കുത്തനെയാണ്.
155 ബിഎച്ച്പി കരുത്തും 360 എന്‍എം ടോര്‍ക്കും പരമാവധി സൃഷ്ടിക്കാൻ കഴിയുന്ന 2.2 ലിറ്റർ എംഹൊക്ക് ടര്‍ബ്ബോഡീസല്‍ എഞ്ചിനാണ് ഡീസൽ പതിപ്പിനു കരുത്ത് പകരുക. 2.2 ലിറ്റര്‍ എംഹൊക്ക് ടര്‍ബ്ബോപെട്രോള്‍ എഞ്ചിന് 140 ബിഎച്ചപി കരുത്തും 320 ടോര്‍ക്കും പരമാവധി സൃഷ്ടിക്കാനാവും. സിക്സ് ഗിയർ ഓട്ടോമാറ്റിക്, മാനുവൽ ഗിയർബോക്സുകളിൽ വാഹനം ലഭ്യമാകും, ഓൾവീൽ ഡ്രൈവും ആവശ്യാനുസരണം ലഭ്യമാണ് വാഹനത്തിൽ.
15.4 കിലോമീറ്റർ ഇന്ധനക്ഷമത വാഗ്ദാനം ചെയ്യുന്ന വാഹനം വിപണിയിലെ മറ്റു വാഹനങ്ങളായ ഹ്യുണ്ടായി ക്രെറ്റ, ടാറ്റ ഹെക്‌സ, ജീപ് കോം‌പാസ് എന്നിവക്ക് കടുത്ത മത്സരം സ്രഷ്ടിക്കും എന്നാണ് കരുതപ്പെടുന്നത്.
