ക്രൂഡ് ഓയില്‍ വില വീണ്ടും കുറഞ്ഞു; ബാരലിന് 45 ഡോളര്‍
ചൊവ്വ, 13 ജനുവരി 2015 (15:11 IST)
അന്താരാഷ്‌ട്ര വിപണിയില്‍ ക്രൂഡ് ഓയില്‍ വില ഇടിയുന്നു. ബാരലിന് 45 ഡോളര്‍ ആണ് നിലവിലെ വില. 2009നു ശേഷം ഇത് ആദ്യമായാണ് ക്രൂഡ് ഓയില്‍ വില ഇത്രയും താഴുന്നത്. കഴിഞ്ഞ ആറു വര്‍ഷത്തിനിടയില്‍ ഇത് ആദ്യമായാണ് ക്രൂഡ് ഓയിലിന് വില ഇത്രയധികം കുറയുന്നത്.
എണ്ണവിലയിടിവ് തുടര്‍ന്നാല്‍ ആഗോള സമ്പദ്ഘടന മാന്ദ്യത്തിലായേക്കുമെന്നാണ് റിപ്പോര്‍ട്ടുകള്‍ . അന്‍പത് ശതമാനത്തിലധികം ഇടിവാണ് കഴിഞ്ഞ ജൂണ്‍ മുതല്‍ ഇതുവരെ എണ്ണവിലയില്‍ ഉണ്ടായത്.
