ഓഗസ്റ്റ് 10വരെയുള്ള കണക്കുകൾ പ്രകാരം ഈ വർഷം 58 കമ്പനികളാണ് ഐപിഒയുമായെത്തിയത്. 2006ൽ 160 കമ്പനികളാണ് ഐപിഒയുമായെത്തിയത്. 2007ൽ 121ഉം 2010ൽ 118ഉം കമ്പനികൾ വിപണിയിലെത്തിയിരുന്നെങ്കിലും പിന്നീടങ്ങോട്ട് ശരാശരി 50ൽതാഴെ കമ്പനികളാണ് ലിസ്റ്റ്‌ചെയ്‌തിരുന്നത്. 2019ൽ 27ഉം 2020ൽ 23ഉം കമ്പനികൾ മാത്രമെ ഐപിഒയുമായെത്തിയത്. എന്നാൽ ഈ വർഷം ഐപിഒകൾ 100 കവിയുമെന്ന് ഉറപ്പായിരിക്കുകയാണ്.
2020ൽ 15ശതമാനവും 2021ൽ ഇതുവരെ 16ശതമാനവുമാണ് നിഫ്റ്റി ഉയർന്നത്. നിഫ്റ്റി മിഡ്ക്യാപ്, സ്മോൾ ക്യാപ് സൂചികകൾ യാഥാക്രമം 32ശതമാനവും 42 ശതമാനവും നേട്ടമുണ്ടാക്കിയിരുന്നു. ഈ സാഹചര്യം കണക്കിലെടുത്താണ് കൂടുതൽ ഇഡ് ക്യാപ്,സ്മോൾ ക്യാപ് കമ്പനികൾ ഐപിഒ‌യുമായെത്തുന്നത്.
