സൈനയും ശ്രീകാന്തും മലേഷ്യന്‍ ഓപ്പണ്‍ രണ്ടാം റൌണ്ടില്‍

ഇന്ത്യയുടെ അഭിമാന ബാറ്റ്മിന്റണ്‍ താരങ്ങളായ സൈന നെഹ്‌വാളും കെ. ശ്രീകാന്തും മലേഷ്യന്‍ ഓപ്പണ്‍ സൂപ്പര്‍ സീരീസ് ഷട്ടില്‍ ടൂര്‍ണമെന്റിന്റെ രണ്ടാം റൗണ്ടില്‍ കടന്നു. വനിതാ സിംഗിള്‍സില്‍ ലോക ഒന്നാം നമ്പര്‍ താരമായ സൈന ഇന്തോനേഷ്യയുടെ മരിയ ഫെബെ കുസുമസ്തുതിയെ നേരിട്ടുള്ള സെറ്റുകള്‍ക്ക് മറികടന്നാണ് രണ്ടാം റൗണ്ടിലെത്തിയത്.

സ്കോര്‍: 21-13, 21-16. പുരുഷ സിംഗിള്‍സില്‍ ഇംഗ്ളണ്ട് താരം രാജീവ്  ഔസേഫിനെ വാശിയേറിയ പോരാട്ടത്തിനൊടുവില്‍ 21-10, 15-21, 24-22 ന് മറികടന്നാണ് ശ്രീകാന്ത് രണ്ടാം റൗണ്ടിലേക്ക് മുന്നേറിയത്. സൈനയും ശ്രീകാന്തും കഴിഞ്ഞദിവസം അവസാനിച്ച ഇന്ത്യ ഓപ്പണ്‍ ടൂര്‍ണമെന്റിലെ ചാമ്പ്യന്മാരാണ്.