ലോകോത്തര ടെന്നിസ് താരം റോജര്‍ ഫെഡററുടെ കരിയറില്‍ മറ്റൊരു പൊന്‍തൂവല്‍. സിംഗിള്‍സ് മത്സരവിജയത്തിന്റെ കാര്യത്തില്‍ ഫെഡറര്‍ പീറ്റ് സാംപ്രസിനൊപ്പം എത്തി.
സോണി എറിക്സണ്‍ ഓപ്പണിന്റെ രണ്ടാം റൌണ്ടില്‍ റാഡെക് സ്റ്റൈപാനെക്കിനെതിരെ നേടിയ ജയമാണ് ഫെഡററെ ഈ നേട്ടത്തിലെത്തിച്ചത്. ടെന്നിസ് കരിയറിലെ ഫെഡററുടെ 762-ാമത്തെ സിംഗിള്‍സ് മത്സര വിജയമാണിത്.
സാംപ്രാസിനും ഫെഡറര്‍ക്കും വിജയങ്ങളുടെ എണ്ണത്തില്‍ ഏഴാം സ്ഥാനമാണ് ഇപ്പോഴുള്ളത്. 1242 വിജയങ്ങളുള്ള ജിമ്മി കോണേഴ്സിനാണ് ഇക്കാര്യത്തില്‍ റെക്കാര്‍ഡ്.
