ലിയാന്‍ഡര്‍ പെയ്സും മഹേഷ് ഭൂപതിയും വ്യത്യസ്ത മത്സരങ്ങളിലൂടെ റോം എടിപി ടൂര്‍ണ്ണമെന്‍റ് ഡബിള്‍സ് വിഭാഗം പ്രീ ക്വാര്‍ട്ടറില്‍ എത്തി. ബൈയുടെ ആനുകൂല്യത്തിലാണ് ഇരുവരും സ്ഥിരം കൂട്ടാളികളോടൊത്ത് പ്രീക്വാര്‍ട്ടറില്‍ എത്തിയത്.
നിക്കോളാസ് അല്‍മാഗ്രോ-ഡേവിഡ് ഫെറര്‍, സ്റ്റീഫന്‍ ഹസ്-ഫ്രാന്‍റിസെക് സെര്‍മാക് മത്സരത്തിലെ വിജയികളെയാകും പെയ്സും ചെക് താരം ലൂക്കാസ് ളൌഹിയും പ്രീ ക്വാര്‍ട്ടറില്‍ നേരിടുക.
നാലാം സീഡായ ഭൂപതിയും ബൊഹാമിയന്‍ താരം മാര്‍ക് നോളസും മരറ്റ് സഫിന്‍ - ഇഗോര്‍ ആന്‍ഡ്രീവ്, ഫെലിസിയാനൊ ലോപസ് - ഫെര്‍ണാണ്ടോ വെര്‍ഡെസ്കോ സഖ്യങ്ങള്‍ തമ്മിലുള്ള മത്സരത്തിലെ വിജയികളെയാണ് നേരിടുക.
