ക്ഷേത്ര ദർശനം നടത്തി പൂജാരിയിൽ നിന്നും വാങ്ങുന്ന പ്രസാദം എങ്ങനെ നെറ്റിയിൽ ചാർത്തണം എന്നതിൽ ഇപ്പോഴും പലർക്കും ധാരണയില്ല. ഭസ്മവും ചന്ദനവും കുങ്കുമവും തൊടുന്നത് ഹൈന്ദവ വിശ്വാസത്തിൽ വളരെ പ്രാധാന്യം ഉള്ള കാര്യമാണ്. എന്നാൽ ഇവ നെറ്റിയിൽ ചാർത്തുന്നത് ചില പ്രദീകങ്ങളുടെ അടിസ്ഥാനത്തിലാണ്. ഇതിന് പ്രത്യേഗമായ രീതികളും ഉണ്ട്.
നടുവിരൽ, ചെറുവിരൽ, മോതിരവിരൽ, എന്നീ വിരലുകൾകൊണ്ട് മാത്രമേ ഭസ്മം തൊടാവു. ചന്ദനമാകട്ടെ മോതിരവിരലുകൊണ്ടാണ് തൊടേണ്ടത്. കുങ്കുമം നടുവിരലുകൊണ്ടും. ഭസ്മം തൊടുമ്പോൾ ശ്രദ്ധിക്കേണ്ട കാര്യം നെറ്റിക്ക് കുറുകെയായിരിക്കണം എന്നതാണ്. ചന്ദനം നെറ്റിക്ക് ലംബമായും കുങ്കുമം പുരികങ്ങൾക്ക് മധ്യത്തിൽ വൃത്താകൃതിയിലുമാണ് അണിയേണ്ടത്. ഇവ മൂന്നും ഒരുമിച്ച് തൊടുന്നത് തിപുര സുന്ദരിയെ സൂചിപ്പിക്കുന്നു.
