പണ്ടൊക്കെ, പ്രേമബന്ധം തകര്‍ന്നുകഴിഞ്ഞാല്‍ രണ്ടുപേരും രണ്ടുവഴിക്ക് പോകുമെന്നല്ലാതെ പിന്നീട് അതില്‍ വലിയ പ്രശ്നങ്ങളൊന്നും വരാറില്ല. എന്നാല്‍ ഇപ്പോഴത്തെ പ്രണയത്തകര്‍ച്ചയില്‍ മറ്റ് ചില അപകടങ്ങളും പതിയിരിക്കുന്നു. ഒന്നിച്ചെടുക്കുന്ന ഫോട്ടോകളും വീഡിയോകളുമാണ് പിന്നീട് വലിയ കുഴപ്പങ്ങളുണ്ടാക്കുന്നത്.
പിന്നീട്, പ്രണയം തകര്‍ന്നുകഴിയുമ്പോള്‍ ഈ ഫോട്ടോകളും വീഡിയോകളുമൊക്കെ വന്‍ പ്രശ്നങ്ങള്‍ സൃഷ്ടിക്കുന്നു. പ്രണയിതാക്കളില്‍ ആരെങ്കിലും ഒരാളോ ഇവരുടെ കൂട്ടുകാരോ ഒക്കെ ഈ ചിത്രങ്ങളും വീഡിയോകളുമൊക്കെ ഇന്‍റര്‍നെറ്റില്‍ ഇടുന്നത് പതിവായിരിക്കുന്നു. അത് വൈറലാവുകയും കേസും വഴക്കും നാണക്കേടും ആത്മഹത്യയുമെല്ലാമായി പരിണമിക്കുകയും ചെയ്യുന്നു.
യഥാര്‍ത്ഥ പ്രണയത്തില്‍ ഇതൊന്നും സംഭവിക്കുകയില്ല എന്നേ പറയാനുള്ളൂ. ഒരുമിച്ച് ഫോട്ടോയെടുത്താലും വീഡിയോ എടുത്താലും പിന്നീട് വഴക്കിട്ട് പിരിഞ്ഞാലും അവയൊന്നും മിസ്‌യൂസ് ചെയ്യാതെയിരിക്കാനുള്ള പക്വതയും സ്നേഹവുമാണ് പ്രണയിതാക്കള്‍ക്ക് ഉണ്ടാവേണ്ടത്. പിരിയുമ്പോഴും സ്നേഹിച്ചുകൊണ്ട് പിരിയൂ, അകലുമ്പോഴും പ്രണയിച്ചുകൊണ്ട് അകലൂ.
