ഇംഗ്ലണ്ടിന് എതിരായ ഏകദിന പരമ്പരയിലെ അഞ്ചാം മത്സരത്തില്‍ ടോസ് നേടിയ ഇന്ത്യ ഫീല്‍ഡിങ്ങ് തെരഞ്ഞെടുത്തു. ഏഴു മത്സരങ്ങളുടെ പരമ്പര 4-0 എന്ന നിലയില്‍ നേരത്തേ തന്നെ സ്വന്തമാക്കിയ ഇന്ത്യ നാലാം ഏകദിനത്തില്‍ കളിച്ച് ടീമില്‍ നിന്ന് രണ്ട് മാറ്റങ്ങളുമായാണ് കട്ടക്കില്‍ നടക്കുന്ന മത്സരത്തില്‍ ഇറങ്ങിയിരിക്കുന്നത്.
ഓപ്പണര്‍ ഗൌതം ഗംഭീറിന് പകരം യുവതാരം രോഹിത് ശര്‍മ്മയും ഫാസ്റ്റ് ബൌളര്‍ മുനാഫ് പട്ടേലിന് പകരം ഓള്‍ റൌണ്ടര്‍ ഇര്‍ഫാന്‍ പത്താനുമാണ് അവസാന പതിനൊന്നില്‍ ഇടം നേടിയത്.
