അജിങ്ക്യ രഹാനെയുടെ കരിയറിലെ ജീവന്‍ മരണ പോരാട്ടമാണ് ദക്ഷിണാഫ്രിക്കയ്‌ക്കെതിരായ ഒന്നാം ടെസ്റ്റില്‍ സെഞ്ചൂറിയനില്‍ കാണുന്നത്. ഒന്നാം ദിനം കളി നിര്‍ത്തുമ്പോള്‍ ഇന്ത്യ 272/3 എന്ന നിലയിലാണ്. 81 പന്തില്‍ 40 റണ്‍സുമായി അജിങ്ക്യ രഹാനെ ക്രീസിലുണ്ട്. ദക്ഷിണാഫ്രിക്കയ്‌ക്കെതിരായ ഒന്നാം ടെസ്റ്റില്‍ റണ്‍സ് സ്‌കോര്‍ ചെയ്യാന്‍ പ്രയാസപ്പെട്ടാല്‍ ടെസ്റ്റ് കരിയര്‍ തന്നെ അനിശ്ചിതത്വത്തില്‍ ആകുമെന്ന ഭയം രഹാനെയ്ക്ക് ഉണ്ട്. അതിനാല്‍ സെഞ്ചൂറിയനിലെ ഓരോ റണ്‍സും രഹാനെയ്ക്ക് നിര്‍ണായകമാണ്.
