സൗമ്യയുടെ മരണം അപകടമരണായിരുന്നു. അത് മാധ്യമങ്ങള്‍ ബലാത്സംഗമായി ചിത്രീകരിച്ച് കേസില്‍ കുടുക്കുകയായിരുന്നുവെന്നും ആളുര്‍ വാദിക്കുന്നു. മാധ്യമ വിചാരണയുടെ ഇരയായാണ് ഗോവിന്ദചാമിയെ കുടുക്കിയത്. ഒറ്റക്കയ്യന്‍ ആണ് പീഡിപ്പിച്ചതെന്ന സൗമ്യയുടെ മരണമൊഴിയാണ് കേസിലേക്ക് ഗോവിന്ദചാമിയെ വലിച്ചിഴച്ചതെന്നും കോടതിയില്‍ ആളുര്‍ വാദിച്ചു.
വധശിക്ഷയ്ക്ക് പുറമേ ജീവപര്യന്തം തടവും ഒരുലക്ഷം രൂപ പിഴയും വിധിച്ചിരുന്നു. ബലാത്സംഗം, വനിതാ കംപാര്‍ട്ട്മെന്റില്‍ അതിക്രമിച്ച് കടക്കല്‍ തുടങ്ങിയ കുറ്റങ്ങള്‍ക്കാണ് ശിക്ഷ. കീഴ്ക്കോടതി ഉത്തരവ് ചോദ്യം ചെയ്ത ഹര്‍ജി ഹൈക്കോടതി തളളിയതോടെയാണ് ഗോവിന്ദചാമി സുപ്രീംകോടതിയെ സമീപിച്ചത്.
