“ഒരു രാഷ്ട്രീയ പാര്‍ട്ടിയില്‍ ചേര്‍ന്നതുകൊണ്ടു ഞാനെന്റെ ഇന്റഗ്രിറ്റി വിറ്റു എന്നല്ല അര്‍ഥം. എനിക്കെന്റെ മൂല്യങ്ങളും വിശ്വാസങ്ങളുമുണ്ട്. ഞാനെപ്പോഴും സത്യം പറയുന്ന ഒരു വ്യക്തിയാണ്. പലപ്പോഴും മോഡിയെ ആക്ഷേപിച്ചുട്ടുള്ള ഒരാളാണ് ഞാന്‍. പക്ഷേ, അദ്ദേഹം ജയിച്ച് അധികാരത്തില്‍ വന്നതിനു ശേഷം നല്ല വാക്കുകളേ പറഞ്ഞിട്ടുള്ളൂ, മോശമായി ഒന്നും പറഞ്ഞിട്ടില്ല എന്നതു സത്യമാണ്.”
“കുറച്ചു നാളുകള്‍ക്കു മുമ്പു വരെ ഒരു വിസ പോലും കിട്ടാത്ത സാഹചര്യമായിരുന്നു അദ്ദേഹത്തിന്. അതുമാറി അദ്ദേഹം പ്രധാനമന്ത്രിയായി വാഷിങ്ടണില്‍ പോകുക, ഒബാമയുമായി വിരുന്നുണ്ണുക, കൂട്ടിക്കൊണ്ടു പോയി മാര്‍ട്ടിന്‍ ലൂതര്‍ കിംഗിന്റെ പ്രതിമ കാണിച്ചു കൊടുക്കുക ഇതൊക്കെ ഇന്ത്യക്ക് അഭിമാനം തരുന്ന കാര്യങ്ങളാണ്. അതുപോലെ മോഡിക്കും വലിയ നേട്ടം തന്നെയാണ്.
പക്ഷേ, അതുമാത്രമല്ലല്ലോ ഒരു ബന്ധത്തില്‍ വേണ്ടത്. മന്‍ മോഹന്‍ സിംഗ് പോയപ്പോള്‍ ഇന്തോ- അമേരിക്കന്‍ ന്യൂക്ലിയര്‍ ഉടമ്പടി ഉണ്ടാക്കാന്‍ കഴിഞ്ഞില്ലേ. അതൊരു വലിയ നേട്ടം തന്നെയായിരുന്നല്ലോ. പക്ഷേ, മോഡി സന്ദര്‍ശനത്തില്‍ അതുപോലൊരു കോണ്‍ക്രീറ്റ് നേട്ടം കൊയ്യാന്‍ കഴിഞ്ഞില്ല.“
