ഏഷ്യയിലെ മികച്ച പൊലീസ് സ്റ്റേഷന്‍ ഡല്‍ഹിയിലാണുപോലും!
ചൊവ്വ, 3 ജൂണ്‍ 2014 (15:53 IST)
നാടിന് നാണക്കേടുണ്ടാക്കിയ പീഡനങ്ങള്‍ നടന്ന സ്ഥലമാണെങ്കിലും രാജ്യ തലസ്ഥാനത്തെ പൊലീസ്സ്റ്റേഷന്‍ ഏഷ്യയിലെ തന്നെ മികച്ച പൊലീസ് സ്റ്റേഷനായി തെരഞ്ഞെടുത്തിരിക്കുന്നു. ആഗോളതലത്തില്‍ ഏതാനും സര്‍ക്കാര്‍ ഇതര സംഘടനകളുടെ കൂട്ടായ്മ നടത്തിയ സര്‍വേയിലാണ്‌ ഡല്‍ഹിയിലെ ബരാഖാമ്പ റോഡ്‌ പോലീസ് സ്റ്റേഷനെ തെരഞ്ഞെടുത്തത്‌.
ആള്‍ടസ്‌ ഗ്ലോബല്‍ അലയന്‍സ്‌ ആണ് സര്‍വേ സംഘടിപ്പിച്ചത്. 2013 മാര്‍ച്ച്‌ മൂന്നിനും ഒന്‍പതിനും മധ്യേ പോലീസ് സ്റ്റേഷനുകള്‍ സന്ദര്‍ശിച്ചവര്‍ക്കുണ്ടായ അനുഭവത്തില്‍ നിന്നാണ്‌ മികച്ച പോലീസ് സ്റ്റേഷന്‍ കണ്‍്ടെത്തിയതെന്നു എജിഎ വ്യക്തമാക്കി. വിവിധ മാനദണ്ഡങ്ങളുടെ അടിസ്ഥാനത്തിലായിരുന്നു സര്‍വേ.
ഗ്ലോബല്‍ പോലീസ് സ്റ്റേഷന്‍ വിസിറ്റേഴ്സ്‌ വീക്ക്‌-ന്റെ ഭാഗമായി നടന്ന സര്‍വേയില്‍ തലസ്ഥാനത്തു നിന്നും 45 പോലീസ് സ്റ്റേഷനുകള്‍ പങ്കെടുത്തു. അതേസമയം ആഗോളതലത്തില്‍ 22 രാജ്യങ്ങളില്‍ നിന്നും 1,340 പോലീസ് സ്റ്റേഷനുകളാണ്‌ പങ്കെടുത്തത്‌.
